Intensifikimi i bashkëpunimit, pjesëmarrja e përbashkët në projekte rajonale në pjesën e infrastrukturës rrugore dhe hekurudhore, lehtësimi i projektit të njerëzve dhe mallrave, shqyrtimi i mundësive për linja ajrore të reja mes Maqedonisë së Veriut dhe Greqisë, kanë qenë temat e bisedës mes ministrit të Transportit dhe Lidhjeve, Goran Sugareski dhe ministri grek i Infrastrukturës dhe Transportit, Kristos Spircis.

Kjo, siç vlerësuan ata, pas takimit është vizion, realizimi i së cilës është i rëndësishëm, jo vetëm për zhvillimin e dy vendeve, por edhe për rajonin në tërësi.

“Mjaft janë munduar vendet ballkanike, duhet të kthejmë faqe që të mundësohet zhvillim, ndërsa kjo rrugë hapet pas nënshkrimit të Marrëveshjes në Prespës. Vizioni që duam ta realizojmë është nëse dikush udhëton në vendet e Evropës Qendrore është që të konstatohet se mund të zhvillohet nga një vend në një tjetër pa e ditur se ku janë kufijtë, nëse ka kufij, pa patur ngecje në transport të produkteve me mënyra shumë alternative. Vizionin e kemi që të mund të jetojnë njerëzit në një vend dhe të punojnë çdo vit në vend tjetër”, tha ministri grek Spircis.

Ai shtoi se që të fillohet nga diku, të realizohet ky vizion, dy ministritë duhet të punojnë intensivisht dhe të përgatisin dhe nënshkruajnë kontrata për bashkëpunim të ngushtë, sidomos në trafikun rrugor, infrastrukturë, qarkullimin hekurudhor dhe qarkullimin ajror para vizitës së kryeministrit grek Alexis Tsipras në Shkup.

Spircis paralajmëroi se Greqia do t’i ndihmojë vendit për inkuadrim në organizatat ndërkombëtare nga fusha e qarkullimit rrugor dhe hekurudhor, ndërsa ministri Sugareski, se do të lobohet në Bashkimin Evropian për projekte të përbashkëta në infrastrukturë dhe se periudha e ardhshme do t’i kushtohet përgatitjeve serioze për aplikacion për mjete për realizimin e tyre.

Sugareski e ka informuar Spircisin se realizohen investime serioze në modernizimin e rrugëve në Korridorin 10. Kjo, tha është me rëndësi të veçantë edhe për dy vendet duke pasur parasysh transportin e mallrave dhe udhëtarëve që tranziton përmes vendit tonë, për të cilat destinacioni i fundit është Greqia apo e shfrytëzojnë korridorin për dalje në tregun evropian.